Шымкент қаласы Тұран  ауданы Желтоқсан 20А көшесі мекен-жайында орналасқан, – “Global Education mektebi”  2019 жылдың тамыз айында ашылды. 1-9 сынып оқушыларына арналған сыйымдылық жобасы 350 орындық білім беру мекемесінде мемлекеттік жалпыға міндетті стандарт бойынша білім алу – тегін.

Global Education mektebi-білім ордасы, білім ошағы.  Жас ұрпақтың жарқын болашағы үшін мектептің алар орны ерекше. Баланың білімді, дарынды, өнерлі де зерек болуы мектеп қабырғасынан бастау алары сөзсіз.

“Global Education mektebi” балалардың болашағы үшін ағылшын тілі мен математика пәнін тереңдетіп оқытуға жұмыс жасайды. 

Мектебіміздің құрылтайшысы әрі алғашқы директоры Есіркепов Нұржан Дүйсембайұлы  2019 жылы 1-қыркүйекте Әл-Фараби ауданы, Төреқұлов көшесінде бастауыш мектебі ретінде ашса, бүгінде  9-сыныптар аралығындағы мектеп Тұран ауданы, Желтоқсан 20А көшесінде жұмысын жалғастыруда. Нұржан Дүйсембайұлы мектебімізге білікті мамандарды жинап, өсіп-өркендеуіне көп еңбек сіңірді. Соның нәтижесінде қазір мектебімізде ғылымның қыр-сырын меңгеріп, бойындағы бар білімін оқушыларына сіңірген ұстаздарымыз қаншама!

2023 жылдың 1-қыркүйегінен бері мектебіміздің басшысы қызметін Есіркепова Гүлмира Дүйсембайқызы атқарып келеді. Гүлмира Дүйсембайқызының басшылығымен 6-сынып оқушыларына арнап НЗМ, КТЛ және РФМШ-ға арналған қосымша оқу бағдарламалары енгізілді.